綠豆，天時暑熱唔少得

綠豆同冬瓜嘅功效差唔多，都係防暑消熱嘅，但係多咗解毒、止痕嘅功效。故此，蚊針蟲咬，五行欠打——身痕，都啱食咖！  食法好簡單，煲綠豆水，至緊要落件陳皮（我查過，家陣市面好少可有臭草賣，唔係加臭草都幾好咖！），煲好落紅糖，食得。鍾意飲冰水、食凍嘢嘅人，將啲綠豆水（查實而家啲綠豆好揀手，煲出嚟真係會起沙，叫綠豆沙都得。）擠入個雪櫃度，擺得一個時辰咁上下，就有綠豆冰食嘞！好過你去食雪糕，冇益嘅。

綠豆沙
[attachment=3480813]